اخواني الكرام حبيت نقدم هدا الموضوع للطلبة المقبلين على باكلوريا 2013 وانا واحد منهم وربي يوفق الجيمع
لاحظت في المنتدى الناس تسال كثير وبعضهم يظن انه بمجرد تسجيله في onefd للمراسلة راه يضمن يجتاز الباك وهدا غلط اخواني لانو onefd هو موقع المراسلة وبيه تقدر توصل حتى الترمنال يعني الثالثة ثانوي كاملة اما من لديهم الثانية ثانوي كاملة وحابين يجتازو الباك فاجباري عليهم يسجلوا في onefd باه يعطوهم شهادة وبيها يكونوا ملف الباك ,اما من لديهم السنة ثالثة ثانوي كاملة وحبوا يجوزا الباك يسجلوا فقط في موقعonec وبداية التسجيلات مع بداية شهر اكتوبر وفي كل الاحوال اي واحد عنده الثالثة ثانوي او الثانية ثانوي كاملة يعني جاب العام يقدر يترشح للباك مي كيما قلنا سلفا لعنده ثانية ثانوي يسجل قبل في onefd
ولفت نظري ناس تسال هل نحن احرار او مادا اخواني الكرام اي واحد لا يدرس نظامي يعني ما يقراش في ليكول يسمى حر
واما عن ملف الباك فالتكلفة بالنسبة للنظاميين 1500 دينار , وحنا الاحرار 3000 دينار . واما لي جابوا الباك من قبل وحبوا يعاودوه ف 5000 دينار
واما الاخوان الدين ارادو التسجيل ووجدوا الاماكن محدودة فنقلكم اخواني ما تخافوش فبمجرد ما تحدف تسجيلات لي ما خلصوش غادي تقدروا اتسجلوا مي دخلوا للموقع ساعة على ساعة لانه التسجيلات ممكن تفتح في اي لحظة باه ما تفوتكمش
هادي هي الاستفسارات لي شفتها وحبيت نجاوب عليها وكاش استفسار اخر راني هنا ...........سلام