بوقلات رمضان.. بوقلات رمضانالسلام عليكم اليوم جيت و انا معي بوقولات انوي و اختاري من و1 الى20 و اكتبى حظك انوي و اختاري1-ياساكنين ذاك القصر اعطوني مفتاحو ندخل للمراح و نشعل في كل بيت مصباح يضوي عليكم و يخلي الايام فراح و انا ايامي
تضوي من زين ملاح
2-اذا انت ليل انا نجمة تضويك و اذا انت بحر انا موجة تقويك و اذا انت ربيع انا وردة فيك حلفت100 يمين غير انا لي نديك
3-اذا كنت غزالة انا نطمعك و اذا كنت وردة انا نسقيك و اذا كنت حمامة انا نحميك و اذا كنت فحلة غير انا لي نديك
4-حبطت لذيك البحيرة و انا مزالني صغيرة خرج ليا الحوت قالي بلا بيك انموت و نجيبلك الياقوت قتلو خليه سر بيناتنا و ما تعليش الصوت
5-جات السفينة تسلك الغريق قالها ما راني مغروق طالب الغيث راني في دوامة راني في دوامة طالب الهنا حتى نلقى مولانا
6-شجرة الياسمين تزعزعت بلعاني شوف على كحل العين بطا ما جاني قالي ما رحتى ما جيتي من بالي انت الوردة لي تزهلي ايامي
7-اصبري يا اخوتي ياك قالو الصبر مفتاح وقتاش ربي تفرج و الفساد يولي صلاح تزول عليا الغمة و يولي قلبي مرتاح
8-راه يسول عليك الحبيب وسؤال خير من الف هدية انت ذكية وشخصيتك قوية وما يديك غير ذاك الشباب مول النية
9-خرجت و لقيت الخطابة في البيت قابلت لمواج زدعيت ربي و تهنية
10-يا حمامي يا حمام يا طاير في العلالي روح للهند جبلي الجوهر الغالي روح لبلاد الناس جبلي ذاك اسمر ممو عياني
11-شربت من ذاك الواد و تعلقت فيه زيتونة انا و حبيبي متفاهمين والناس حسدونا خمسة في عينيكم يا لي تكرهونا
12-عسيلة يا عسيلة و عسيلة فالكاس كلام االي بيني و بينك موحال يفهموه الناس الحيط عمرو ما يتبنى قبل الساس
13-جاز على باب دار نا اعطاني وردة فالكاس قالي ما بياش الورد لي في الكاس بيا الغرام يا بنت الناس
14-ماني كاس نتكسر ماني وردة تدبال راني خويتم في يد سيد الرجال
15-قولو و قول سابق فيكم انا ديت الخمري و خمسة في عينكم
16-دارنا علات وشمسنا ضوات و الطفلة اللي راهي جات و ضوات هي لالة البنات
17-اذا انت بحر انا حوت فيك ولا انت جنان انا وردة فيك والا انت تبغني انا نموت عليك
18-الطبق بين يديا و الخاتم بين صباعتيا و الغريب الي راح اليوم ولا ليا والله ما ننساه حتى يتغمضو عينيا
19-شعرها شهل و عينها عسل نشوفها فيها ليل ونهار وما نمل
20-نتمنى نعيش معاك يا مزود الفضة نديرك في مكتوبي و نغلق عليك راني عارفة بلي رايح تهنيني ونهنيك